a7na.ahlamontada
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

a7na.ahlamontada

FOR EVER
 
الرئيسيةLatest imagesالتسجيلدخول

 

 جزء من كتاب ساخر للمراهقيين

اذهب الى الأسفل 
3 مشترك
كاتب الموضوعرسالة
زائر
زائر




جزء من كتاب ساخر للمراهقيين Empty
مُساهمةموضوع: جزء من كتاب ساخر للمراهقيين   جزء من كتاب ساخر للمراهقيين Icon_minitimeالجمعة مارس 14, 2008 7:04 pm

المقدمة ......لسة ماتكتبتش
أيام المراهقة هى الايام التى تسبق قيام الثورة....

ELgomgoma di fiha eah?



أعشق الأسئلة أكثر من المكرونة بالبشاميل (بالمناسبة هما لية سموه باشميل؟ , لأن الأسئلة هى الدليل الوحيد على أن عقلى يعمل (وعلى انى عندى عقل أصلا

أدخل الاسئلة الى الجمجمة واكاد أسمع صوتها وهى تطحن الاسئلة كالخلاط المولينيكس, أتمنى لو أستطيع أن أتسلل الى الداخل لأعرف الجمجمة دى فيها اية ,فأنا فخور بها وبقدرتها على هرس علامات

الاستفهام حتى لو لم أحصل على اجابات,وهنا تكمن الاثارة والمتعة,مش كل الاسئلة ليها اجابات





الكهرباء لما بتتقطع بتروح فين؟


لو فية شجرة وقعت على الارض فى الغابة,هل بقية الشجر هيضحكوا عليها؟



لية فى شارع مراد حاطين يافطة كبيرة مكتوب عليها "ابتسم انت فى الجيزة".. ,هل الجيزة حاجة تضحك؟



لما تطلب ساندوتش من مطعم وتحب تضيف علية اى اضافة بيزودوا سعر الساندوتش,طيب لية لما بتحب تشيل حاجة من محتويات الساندوتش سعرة مابيقلش؟


لية بيقولوا الحب أعمى , ومع ذلك كل أغانى الحب عن العيون ,نور العين وسحر عينيك وعينيك واحشانى وعينيك كدابين وحبيبى وعينية أصلا؟


طيب لو كان الحب أعمى ... لية واكلين دماغنا بالحب من اول نظرة؟


لو اسمك ماجد وطلعت طيار,هتفضل مستحمل قد اية الناس وهيا بتندهلك كابتن ماجد؟


الأخرس بيكلم نفسة ازاى؟


لية بيقولوا على الشخص اللى نايم بعمق انة نايم زى البيبيهات؟ مع ان البيبيهات أصلا بيصحوا كل نص ساعة؟


معروف ان اللى يتلسع من الشوربة ينفخ فى الزبادى , بس...هل لو نفخت فى الزبادى يبقى دا معناه انى اتلسعت من الشوربة؟


لية البنات بتفتح بقها وهيا بتحط ماسكرا؟




لية لو واحد قال قدامى كلمة "الأقصر" بتيجى فى دماغى على طول صورة "الاثار" مش شرط تيجى فى دماغى صورة "الأقصر"؟


لية الناس مابتقولش الرياضة فايز ومهزوم غير لما تتغلب؟


لية الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟


لية اللى سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فورا؟


ازاى تقدر تعرف المسند بتاع كرسيك فى السينما؟


لية الناس بتقول لأى حد فى الشارع "يا باشمهندس", ما عدا المهندس فعلا.. بيقولوا لة "يا دكتور"؟


لية بيقولوا فى الأخبار, مصرع 9 فى فلسطين, ومصرع 50 فى بغداد, ومصرع 85 فى زلزال, ومصرع 112 فى سقوط طائرة؟ طيب ما يقولوا على طول مصرع 250 واحد فى نشرة أخبار التاسعة؟


لية لما الواحد يكون واقف مستنى الاسانسير بعد ما داس على الزرار الى بيستدعى الاسانسير وبقى منور وباين انة منور,ييجى واحد تانى بعد ثوانى يبص للزرار المنور ويروح دايس على الزرار تانى؟


لما تيجى تتصل بواحد..لية الارقام اللى بترد غلط.. مابتكونش مشغولة؟


لو كانت الارض كورة- زى مابيقولوا- طيب الماتش هيبدأ امتى؟


لية هيفاء وهبى بتقول "أنا بردانة أح",مع ان "أح" تتقال للحاجة السخنة,يعنى المفروض تقول "أنا بردانة بررررررر"؟


اذا كان- زى مابيقولوا- الدنيا مسرح كبير, طيب أنا بامثل ولا باتفرج؟ واذا كنت من المتفرجين, طيب هم المتفرجين بيقعدوا فين ؟


لية بيكلبشوا العربية اللى واقفة صف تانى وقافلة الشارع .. مع ان الشارع بعد الكلبشة بيفضل مقفول برضة ؟


لو الصاعقة نزلت على حد بيموت متكهرب فورا , طيب لما الصاعقة بتضرب البحر , لية السمك الى فى البحر مابيموتش متكهرب؟


لما الواحد بيعلى صوت الكاسيت, هل دة بيسحب كهرباء أكتر؟


لو البوليس وهو رايح يقبض على حد شاف فى السكة جريمة بتحصل , بيمنعها ولا بيركز فى المهمة الى طالع علشانها؟


هل الحيوانات بتعطس؟



طيب هل حصل فعلا فى يوم من الايام أن فية واحد ضرب عصفورين بحجر؟


لية لما يكون الواحد جوة عربية والعربية داخلة هتعدى من نفق؟؟ تلاقى الواحد يوطى رأسة كانة هو شخصيا اللى هيعدى من النفق مش العربية؟



لية لما باكون فى البيت واتصل بالسوبر ماركت "اسمة سوبر ماركت ريشة" واقول "الو... سوبر ماركت ريشة" يرد على يقول لى " ان شاء الله" يعنى " ان شاء الله سوبر ماركت ريشة" ولا "ان شاء الله مش سوبر ماركت ريشة"؟



لية لما تسأل واحد على العنوان وتقول لة " شارع كذا فين؟" يرد عليك بسؤال" هما قالوالك فين؟" طيب ما هما لو كانوا قالوا لى ماكنتش سألتك , ثم هما مين اللى قالوا لى؟


لية الناس فى الشارع بتستخدم أدوات نداء لتوقيف أى شخص, أدوات نداء مالهاش أصل فى اللغة و ينفع تنادى بيها على أحد فى المطلق زى .. بسسست,والنبى يا , ويا كابتن, وباقولك يا , وخد يا , وأيوة يا , ولية أدوات النداء دى بتوقف الشخص المقصود بالذات؟


بيقولوا "لكل قاعدة استثناء".. طيب اية الاستثناء بتاع القاعدة دى؟


لية لما حد يحب يدى معلومة بيبدأ الجملة بكلمة "بيقولك" , " بيقولك العربيات رخصت"؟


لية فية ناس لما تعدى عليها وتقول "سلاموعليكوا" ماتسمعش منهم غير صوت بيقول " وع.. س س .. هة؟



لية المذيعة دايما بتتمنى لنا وقت ممتع مع الفيلم العربى اللى بيتذاع للمرة الألفين.. وهى عارفة كدة كويس؟



طيب لية المذيعة بتقول أعزائى أفراد الآسرة ... وهى ماتعرفش حد فينا؟



لية الشخص اللى يسألك " الساعة كام" لازم يرفع لك دراعة الشمال ويشاور على مكان الساعة بصباعة "لو سمحت الساعة كام"... طيب اللى بيسأل على مكان الحمام المفروض يشاور على اية ؟



اللى مايقدرش يتكلم أخرس, واللى مايقدرش يشوف أعمى , طيب اللى مايقدرش يشم أية ؟



طيب لية اللى يسألنى عن الساعة لازم يحلفنى "الساعة كام والنبى"؟


لية لما تقول لواحد حاجة ومايسمعهاش كويس تلاقية هو اللى علا صوتة فجأة" بتقول اية " ؟



لية الكتابة على التى شيرت لازم تكون بالانجليزى, لية ماحدش بيكتب على التى شيرت بتاعتة بالعربى... مثلا " اللى ذاكر ذاكر خلاص "؟



لية الواحد ما يشربش ازازتين " مزيل دهون " علشان يخس؟


اذا كان زيت الذرة معمول من الذرة , وزيت عباد الشمس معمول من زهرة عباد الشمس, طيب ال " بيبى اويل " معمول من اية ؟



لو " ركب " الانسان كانوا ورا مش قدام , كانت الكراسى هيبقى شكلها اية ؟



لية الواحد بيدوس على الريموت كنترول بقوة وعنف لما الحجارة بتشطب؟


التوأم الملتصق لما بيدخل السينما , بيقطعوا تذكرة واحدة ولا تذكرتين؟


لية الكبار بيطلع لهم شعر فى ودانهم؟


لما البوليس بيهجم على شقة ويكسر الباب , مين المسئول انة يصلح الباب دة؟


لو واحد مات ورجلة متجبسه, هل بيدفنوه بيها متجبسه ولا بيشيلوا الجبس؟


افرض انك شفت منظر مؤثر وانت تحت المية ... ينفع تعيط؟


الآعمى بيشوف اية فى الآحلام ؟


مين فيهم الأول ... البرتقال ولا اللون البرتقالى ؟


هل كان فية اثار أيام الفراعنة ؟



لية شعر الأيدين مابيقعش؟


لية المكرونة الآشكال " زى القواقع والحلزونية" بيبقى طعمها احلى من المكرونة العادية مع أنهم مصنوعين من نفس الخامات؟



لية بيقولوا " هدية مجانية".. هو فية هدية بفلوس ؟


لية الوجبة المفرحة ال Happy meal بتبقى قليلة؟
المفروض الوجبة المفرحة تبقى مليانة بشكل يفرح؟



لية بنقول " باى باى " وما بنقولش " هاى هاى "؟



لية يا قلبى كل يوم بتحب واحدة ؟ " عمرو دياب"؟




فهرس الكتاب


الجمجمة دى فيه اية ؟


تحب تطلع اية لما تكبر؟


لية بنكرة المذاكرة؟


ياترى جدى وهو طالب كان عامل اية ؟


ازاى تعرف ان الاجازة بدات؟


لية أكل الشارع أحلى من أكل البيت؟


من فضلك علمنى الغلاسة ؟


حدث فى مثل هذا اليوم " قصص واقعية "


لية لو بطلنا نسأل نموت؟


مين اللى قال البنت زى الولد ؟


لية لما بابا بيقول لى ان شاء الله بيكون قصدة ان شاء الله لآ؟


تحب تكون مشهور؟


مين ينفع يكون مثلى الآعلى ؟


ازاى تعرف انك مراهق؟


هيا كلمة صايع مش كانت شتيمة زمان ؟


على فكرة الفهرس دة بتاع الكتاب بيتكلم عنة بالتفصيل
و الكتاب 222 صفحة


انا اتكلمت على اول موضوع بس بتاع

الجمجمة دى فيها اية

اما بقيت المواضيع موجودة فى الكتاب
والا عاوز الكتاب موجود فى وسط البلد
اسمة
كابتن مصر
عمر طاهر
الرجوع الى أعلى الصفحة اذهب الى الأسفل
semsema

semsema


عدد الرسائل : 427
العمر : 35
الموقع : ام الدنيا
المزاج : دايما متعكر
تاريخ التسجيل : 10/03/2008

جزء من كتاب ساخر للمراهقيين Empty
مُساهمةموضوع: رد: جزء من كتاب ساخر للمراهقيين   جزء من كتاب ساخر للمراهقيين Icon_minitimeالسبت مارس 15, 2008 9:03 am

هههههههههههههههههههههههه
هيا فعلا اسئلة ملهاش اجابة
اقتباس :
والا عاوز الكتاب موجود فى وسط البلد
لا يااحمد انت بقي تحاول تجيب لنا بقيت الكتاب جزء جزء
موضوع بجد حلو اوي
الرجوع الى أعلى الصفحة اذهب الى الأسفل
miky

miky


عدد الرسائل : 145
العمر : 36
المزاج : يعنى حلو
تاريخ التسجيل : 15/03/2008

جزء من كتاب ساخر للمراهقيين Empty
مُساهمةموضوع: رد: جزء من كتاب ساخر للمراهقيين   جزء من كتاب ساخر للمراهقيين Icon_minitimeالثلاثاء مارس 18, 2008 6:44 am

ههههههههههههههههه
ضحكتنى بجد لانى مش عارفة اجابة لولا سؤال
بس ما علينا
تسلم ايدك على الموضوع الجامد دة
وانا مع سمسمة انك تجيب لينا بقيت الكتاب
ولا انت شريك الكاتب وعايزنا نشترى الكتاب
فدى بقى تبقى حاجة تانية
الرجوع الى أعلى الصفحة اذهب الى الأسفل
romacat

romacat


عدد الرسائل : 237
العمر : 34
الموقع : egypt_cairo
المزاج : متسلطن
تاريخ التسجيل : 12/03/2008

جزء من كتاب ساخر للمراهقيين Empty
مُساهمةموضوع: رد: جزء من كتاب ساخر للمراهقيين   جزء من كتاب ساخر للمراهقيين Icon_minitimeالسبت مارس 22, 2008 12:27 pm

ههههههههههههه
كتاب تحفه واسءله ملهاش حل
انا سمعت حوار قبل كدا للكاتب
بصراحه دماغه حلوه اوى وتفكيره كتير عجبنى
تسلم ايدك يا ابو حميد على الجزء دا
مشكوووور يا قمر
الرجوع الى أعلى الصفحة اذهب الى الأسفل
 
جزء من كتاب ساخر للمراهقيين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
a7na.ahlamontada :: منتدى النكت والمواضيع الساخره-
انتقل الى: