امي يا حبيبة

امي يا حبيبة

يا اقرب قريبة

بنتك بتناديكي

محتاجة لك يا امي

دايما معايا وجنبي

الوحدة رهيبة

***
كل سنة وانتي

معايا يا امي

في روحي ودمي

في عقلي وقلبي

في بعدي وقربي

في فرحي وهمي

***
سامحيني لو يوم نسيت

وانسيني لو ما وفيت

لاغلى قلب

واطيب حب

واعذريني لو خبيت

عنك همومي وداريت
***
فكريني يا امي

بطفولتي وبراءتي

بايام جميييييلة

ايام كنت بحبك باحبي

وبشوف بعنيكي سعادتي

وبرسم بملامحك ابتسامتي

***
لو ارجع بس يوم

طفلة من جديد

ويعود الفرح والتغريد

واكون شوية

عن الحزن بعيد

ويرجع قلبي طفولي عنيد!

***
واحشاني يا امي

حتى وانتي معايا

زي ما بيوحشني

قلبه وهوايا

لو سالتيني مين؟

هيرد اللي سكن جوايا

***
حبيبتي يا اغلى مني

ومن حياتي

خديني لحضنك

داوي اهاتي

ادخلي قلبي

اسمعي سكاتي
***
لو سالوكي عني

قولي بتحبني كتير

وبسامحها دايما

بقلبي الكبير

مين غيرك يا امي؟

اهديها الورد والعبير؟

اهداء متواضع وبسيط لامي الغالية والتي مهما تحدثت عنها فلن اوفيها حقها

كل عام وانتي بالف خير واطال الله في عمرك واعطاك الصحة والسعادة والتوفيق

حنوووووووون

انتى بجد اسم على مسمى

كلماتك اكتر من روعه يا حبيبتى

وبجد هديه جميله اقريها لمامتك اكيد هتعجبها

تسلميى يارب

احترامى

كل سنة وكل ام بالف خير
تسلم ايدك على الموضوع الرائع دة